ESG көрсеткіштері мен корпоративтік тұрақтылықтың жалпы факторлық өнімділікке әсерін зерттеу
DOI:
https://doi.org/10.26577/be202515114Аннотация
Зерттеудің мақсаты – жалпы факторлық өнімділіктің (ЖФӨ) компанияның тиімділігіне әсерін зерттеу, сонымен қатар компанияның орнықтылығын, оның ішінде ЖФӨ-ге елеулі әсер ететін ESG (экологиялық, әлеуметтік және корпоративтік басқару) көрсеткіштерін ескеру. Белгісіздікке толы жаһандық ортада ESG көрсеткіштері жоғары компаниялар икемділік пен ресурстарды тиімді бөлу қабілеті арқылы ЖФӨ-нің өсуіне ықпал етеді.
Бұл зерттеу 2010–2023 жылдар аралығындағы Қытайдың биржаға тіркелген компанияларының кең көлемді үлгісіне сүйене отырып, бірнеше регрессиялық тұрақты әсерлер моделін құрастырады және панельдік деректерге эмпирикалық талдау жүргізеді. Сонымен қатар, зерттеу нәтижелерінің сенімділігін қамтамасыз ету мақсатында бірнеше тұрақтылық тестілеу әдістері қолданылады.
Зерттеу нәтижелері ESG көрсеткіштері мен ЖФӨ арасындағы оң байланысты көрсетеді. Бұл ретте, компанияның орнықтылығы – инновациялық әлеует, операциялық тұрақтылық, ұйымдық икемділік және қаржылық икемділік арқылы делдал рөл атқарады. Бұдан бөлек, ESG көрсеткіштерінің әсері нарықтық шоғырлану деңгейі жоғары, капитал сыйымды және экологиялық тұрғыдан зиянды салалардағы компанияларда айтарлықтай ерекшеленетіні анықталды.
Зерттеу компаниялардың өнімділігі мен орнықтылығын арттыру үшін олардың инновациялық және бейімделу қабілеттерін дамыту қажеттігін атап көрсетеді.
Түйін сөздер: ESG, корпоративтік орнықтылық, операциялық тұрақтылық, қаржылық икемділік, жалпы факторлық өнімділік.
