«ҚазҰУ хабаршысы. Экономика сериясы» Directory of Open Access Journals мәліметтер базасына енгізілді

«ҚазҰУ хабаршысы. Экономика сериясы» Directory of Open Access Journals (DOAJ) мәліметтер базасына енгізілді. DOAJ - бұл ғылымның барлық салаларында ғылыми және академиялық журналдарға электрондық форматта ақысыз толық мәтінді қол жеткізуді ұсынатын мәліметтер базасы. DOAJ ресми статистикасына сәйкес, ай сайын әлемнің түкпір-түкпірінен 900000-нан астам мақалаларды қарау және 300000 бірегей келушілер тіркеледі.

Журналдың DOAJ мәліметтер базасына енуі журналдың ғылыми басылымның жоғары сапасын анықтайтын барлық заманауи халықаралық талаптарға жауап беретіндігінің дәлелі болып табылады. Базаға ену үшін баспа процесінің барлық аспектілерін сипаттайтын 50-ден астам түрлі критерийлер бойынша (редакциялық саясат, редакция алқасының сапасы, мақалаларды қабылдау, қарау және жариялау процедураларының ашықтығы, мақалалардың толық мәтіндерінің болуы, авторлық құқықты қорғау, ғылыми этика саласындағы саясат, құпиялылық және антиплагиат, журнал веб-сайтының ашықтығы және т.б.) журналды мұқият нұсқаулықпен және автоматтандырылған талдаумен тексереді.

DOAJ мәліметтер базасында әлемдегі барлық журналдардың тек 8%-ы ғана индекстеледі, оған тек 8 қазақстандық журнал енеді. Экономикалық салада « ҚазҰУ хабаршысы. Экономика сериясы» - бұл мәліметтер базасына енгізілген Қазақстандағы алғашқы және жалғыз журнал.