Кәсіпорындардың тауар қозғалысы логистикасында кездесетін тәуекелдер мен оларды шешу жолдары

Аннотация

Қазіргі бизнестің айтарлықтай қарқынды дамуына байланысты, тауар және ақпараттық ағымдар логистикасы бизнес талаптарына сай көптеген өзгерістерге ұшырауда. Алдыңғы қатарлы фирмалардағы логистиканың дәстүрлі функционалды салалары стратегиялық инновациялық (жаңартпа) жүйе құра отырып, жалпы ақпараттықкомпьютерлік платформа негізінде бірікті. Логистика саласындағы қызмет көп қырлы. Оған көлікті, қойма шаруашылығын, қорларды, кадрларды басқару, ақпаратты жүйелердің ұйымдастырылуы, коммерциялық қызмет және т.б. жатады. Бұл мақалада ақпараттар мен тауар ағымдарының қозғалыс процесін тиімді ету жолдары мен қозғалыс үрдісі кезінде туындайтын тәуекелдер, оларды шешу мүмкіндіктері, логистиканың қызметін арттыру жолдары теориялық тұрғысынан қарастырылады. Яғни, ең басты тәуекелдердің туындауы мәмілелерді жасау кезінен бастап, келісім­шартты орындау барысында айқындалады, кез келген кәсіпорынның осындай тәуекелдердің болмауына мұқият назар аударуын талап етеді.